أبيات شعرية بالذاكرة نرددها

اقسى شعور يمرّ في عالم الشوق

هم الوداع ، وذكريات المحبّه

ياليت في الخفاق للهمّ صندوق
واحط همّ البعد وسطه واشبّه

في عز ماكنت أهوجس فيك وافتح لك
أبواب قلبي خذتني رجلي لبابك

وجيتك وأنا مااذكر إني كنت رايح لك
بس اذكر اني كذا لاطول غيابك
ياما ترددت مدري كيف بشرح لك
أجيك وارجع .. أبيك تقول وش جابك
ياابن الأوادم ترى مليت ألمح لك
أنا أعزك .. وأحبك .. واعشق ترابك
لاضقت اضيق .. ومتى ماتفرح أفرح لك
ولاغبت أموت ومتى ماشفتك احيابك
ان كان ودك ترسيّني على كحلك
لمّيت عمري .. وخاويتك على أهدابك
لكن قبل تنجرف .. حبيت أوضح لك
مستقبلي في يدينك .. وأعمل حسابك

لوضاع مستقبلي مانيب سامح لك
يكفيني الماضي اللي ضاع بأسبابك





م/ن
.
.

ان كان تبغى الحقيقه \ ماهقيت الغياب
يستدرجك .. لين تعرف دربه وتتبعه.!
كنت اعتقد : لو عرض سيفه على كل باب
ماهوب قاطعك وانت اللي تبي تقطعه .!

ماطـاح من نخـل السنيـًـًـًـًـًـًـًـًـًـًـًـًـًـًـًـًـًـ ًـًـن ..
.................................. إلا عنـآقيـد الـجـٍـٍـٍـٍـٍـٍـٍـٍـٍـٍـٍـٍـٍـٍـروح .!


مشكـور جـدا ً يـازمـن ..


.............................. خيـًـًـًـًـًـًـًـًـًـًـًـًـًـًـًـًـًـًـر ك علي دآيم كثيــر

ابي ارتاح ياعمري انا ادري هم تبي ترتاح
تعال وقبل ما افرح ترا تفرح بك ثيابي

عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابي

جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوابي

غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي

بعض العرب لو هو بعينك تمناه**ودك لو بعينك عيون وتشوفه
وبعض العرب تسعد عيونك بفرقاه**ودك تشوف الموت من دون شوفه

يموت الحب لا صارت جروحه ترفض التطوير
نعم يصبـح بـلا معنـى وخلانـه يخلونـه
إذا ما للغلا جرحٍ نـزف يبقـى بـلا تأثيـر
يموت وموتته حسره وخابـوا مـن يعزونـه
وإذا جرحه دمى وأجزل يعيش اللي يحب أمير
أنا اشهد ياكبر حظه ياكثـر اللـي يحسدونـه

يا (...) الهم هو ثوبي وحزني هو كما الغتره =نساني صاحبي ادري ولا يذكر دفا ايديني
تحملـت الألــم كـلّـه وانا ادعــي يالله السـتـره=وانا لو اضحك اشويـه يجـي حزنـي يبكينـي
تقولين :الحزن خلاّ عيونك تحتها العبره=وقول : أنّي عشقت الحزن في قلبي وفي عيني
تقولين : الزمن نفسه .. رسم بشفاهي الحسره =وقول : أن الزمن حالف قبل موتي بـ / ينهيني
تقولين : الجفا زارع وسط جوف الغلا جمره= وقول : أن الجفا هم .. وهواجيسٍ .. تناديني
تقولين : القهر حاجز بوسط القلب له نمره=وقول : أن السهر زارع قهر كل البشر فيني
تقولين : الألم ناوي يحرم عيوني النظره=وقول : أن الألم حارم كفوفي لا تواسيني
تقولين : الأسى هذا على جروحي بدا يشره=وقول :أن الأسى ياخذ .. بالإحرى ماهو معطيني
تقولين : انت مثل الليّ ..كلامه ماهو بعمره=وقول : أن الزمـن وقــّـف.. بوجهـي بـ / أوّل اسنينـي

مهما تسافر ياحبيبي على البال القاك بين الرمش وهداب عيني

كان السفر يقضي على بعض الأمال فيك الأمل معقود لو ما تجيني