منتديات مملكة التوحيد

منتديات مملكة التوحيد (http://ksa-tawheed.com/vb/index.php)
-   •°•¤ أبجدية الشعر ¤•°• (http://ksa-tawheed.com/vb/forumdisplay.php?f=14)
-   -   ناجي العازمي يجاري ناصر السبيعي (http://ksa-tawheed.com/vb/showthread.php?t=3603)

بدر 06-05-2012 09:29 AM

ناجي العازمي يجاري ناصر السبيعي
 






الصوت






اعرف انك حزينه والزمن هذا قليل افراح
حزينه والنفوس بما كتبه الله ماموره




خذاك الليل يابنت السفر والمبسم الوضاح

سرقك وكنتي انتي نجمته وانتي ضوى نوره







ورحتي تطرقين الفين باب مالها مفتاح

حزينه محبطه متوتره وجله ومكسوره







وجيتيني وانا ماني طبيب ولاجليس ارواح

يضمك بالوهم مابين دخانه وبلوره







يفسرلك خساير ما مضىويصور الارباح

انا شاعر تكفي عن ملامح وجهه سطوره







يديني جرح حرفي كلمتي قلبي شجوني اجراح

اوقف والجروح تمر كل ماخذن دوره







اخفي عن بعض نفسي بعض نفسي عشان ارتاح

اعيش بنصف صوت احيان واحيان ببعض صوره







حزين ماجرح ليلي شعاع ولاضحك مصباح

مهو كله سوى انهد عش او طار عصفوره







حسبت ان النجوم اغلا قلايد والربيع وشاح

اخذت الحلم باول بادره واعلنت به ثوره







مابين الصاحب اللي هام باول غلطتين وراح

قسى واقفى يلعن حلمنا ويهدم قصوره







مابين عيوننا لحظة غوت واستهوت التفاح

مابين ايام شقت سترها وايام مستوره







مابين احلامنا واقلانا والصمت الايضاح

خطاوينا على سطور الورق وجله ومذعوره







عرفتي ليه صديتك ونطحت الصياح صياح

عرفتي ليه شديت الظلام وغصت ف بحوره







عشان الارض جدباء والتعب ما ينفع الفلاح

يحاصره الجفاء والبرد والقيعان ممطوره







عشانك او عشاني او عشان الليل والمصباح

نعيش بنصف صوت احيان واحيان ببعض صوره



















شعر / ناصر السبيعي










الصدى










حزين اوهي حزينه والجروح اشمت من الفضاح
على الروح الشفيفه جرح نجار ن لسبوره



مدى يجذب وشوق مربه جور الزمان وصاح

ذبل ورد الغرام وريشة التغريد مبتوره







عصف ليل السكون وخاطري كحل العيون وساح

اطالع فالمرايا صورتن اشلا ومنثوره







قريب بعيدمدري بس هذا السلك او المسباح

او ان مع الخرز رحت وتركت الروح ماسوره







على بعد الخيال اشكرك طاير و الكلام اجناح

يرفرف بالسماء لاحلام بالتحليق منذوره







تصورتك على هام السحاب وخلتك السباح

وانا احب البحر والمزن والاحداث مشكوره







رومنسي يمزج الماء بالسراب ويعبر الملاح

رفيعه يالنفوس اللي بأعز الحزن مسروره







لو انه ماجرح ليلي شعاع استدرك المرواح

جرحنا الليل واسفر هالنهار وغنت اطيوره







نعست وطاب حلمي واستمر الوعي والافصاح

غشى هاك السحاب البور والقيعان مبذوره







ماهو صاحب رفيق الغلطتين وصافع النصاح

ولا هو مسكن البيت الجديد المنهدم سوره







اكيد ان الخطأ فاعيوننا ماتعرف المزاح

جميل الذكريات اللي بقت بالروح محفوره







صهيل الصمت صارخ لو نعاتب بوحنا الجماح

صريخ اعماقنا ف قلوبنا ف عروقنا فوره







على شان الغلا والارض والاشجار والفلاح

تعذب يالجفاء والبرد هالقيعان ممطوره







وعشان الشعر رعداً ينده النايم وبرقه لاح

كتبت الشعر ناصر والمشاعر حيل منصوره



















ناجي العازمي


ابومشاري 06-05-2012 12:33 PM

نقل اكثر من رائع بدر

الشاعر كبير بحجم ناجي

بدر 06-06-2012 07:20 AM

حياك الله أخي الفاضل ( أبو مشاري )



وشكراً على المرور


كل الأوقات هي بتوقيت GMT +3. الساعة الآن 09:02 AM.

Powered by vBulletin® Version 3.8.4
Copyright ©2000 - 2018, Jelsoft Enterprises Ltd.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36